– Sámediggeráđis leat movttegat go beassat almmuhit ahte juolludeimmet 200.000 ruvdnosaš doarjaga, lohká sámediggeráđđi Silje Karine Muotka.
– Sámediggeráđis leat movttegat go beassat almmuhit ahte juolludeimmet 200.000 ruvdnosaš doarjaga, lohká sámediggeráđđi Silje Karine Muotka.
– Doarjja lea juolluduvvon Gazzanjárgga guollevuostáiváldimii Unjárggas.
Juolludeapmi galgá adnot ođđa čollerusttegiidda, muitala sámediggeráđđi Silje Karine Muotka preassadieđáhusas.
Ovdal dorjon
Sámediggi lea ovdal maid dorjon Gazzanjárgga guollevuostáiváldima mii lea oalle aitto huksejuvvon ja mii lea boađus ovttasbarggus gaskkál Unjárgga gieldda, Sámedikki ja báikki ealáhusaid.
– Háliidan goit ge rámpot báikkálaš guolásteddjiid, geat leat ieža bargan prošeavttain ja veahkehan sihke gaikut dan ovddeš guollevuostáiváldima ja hukset ođđa vuostáiváldima.
Sii leat duođaid bargan buori barggu ja danne lea ge hui somá almmuhit doarjjajuolludeami čollenrusttegiidda mat sakka geahpedit guolásteddjiid barggu, lohká sámediggeráđđi.
– Addá eambbo návccaid
Muotka oaivvilda gieldda čielga vuoruheami addit guovllu guolástusealáhussii eambbo návccaid.
– Čollenrusttegat leat juo sajis, muhto dát lea min Sámedikki bealis vuohki čájehit ahte mii doarjut guolásteami áŋgiruššama ja dan láhčima maid gielda bargá ealáhusa váras, lohká Muotka.
