-Almmuhus-
-Almmuhus-
-Almmuhus-
OĐĐASATSámediggeráđđi váidá guollebiebmanmearrádusa

Sámediggeráđđi váidá guollebiebmanmearrádusa

-

-

Sámediggeráđđi váidá fylkkadikki mearrádusa go eai leat guorahallan makkár váikkuhusat guollebiebman ásahemiin leat árbevirolaš guolástussii davvi- ja nuorttabealde Ráinnas Gálssa suohkanis.

– Heittot lea dat go váikkuhaniskančielggadus biehttaluvvo sálašloguid ja ekonomiija mielde dušše dan ektui mii guoská Ráidnii, dadjá sámediggeráđđi Ronny Wilhelmsen Sámedikki preassadieđáhusas.
– Bivddu mii lea guovllus, berre geahččat eanet ollislaččat, dadjá son.  

Lokalitehtaide Lubben ja Korsneset lea addojuvvon konsešuvdna, maŋŋá go lea meannuduvvon fylkkadikkis juovlamánus. Sámediggi oaivvilda ahte lea dárbu dahkat váikkuhusiskanguorahallama dieđuiguin báikkálaš aktevrraid beales árbevirolaš geavaheami birra ja man deaŧalaččat bivdoguovllut leat vuođđun konsešuvnna addimii.

 

Báikkálaš máhttu unnán deattuhuvvon

Váidagis Fylkkadiggái ođđajagimánu 12. b. bivdá sámediggeráđđi ahte guorahallojuvvojit váidudeaddji doaibmabijut márkana ja vuovdinvejolašvuođa jurddašettiin árbevirolaš bivddu ektui guovllus.

– Mun oainnán ahte báikki guolásteddjiid ja geavaheddjiid máhttu guovllus lea unnán deattuhuvvon konsešuvdnaohcama meannudeamis. Lagaš bivdoguovlluid árbevirolaš geavaheamis lea stuorra mearkkašupmi báikkálaš servodahkii gullevašvuođa ektui, ja dat lea ain birgejupmin sámi guovlluin, dadjá Wilhelmsen.

-Almmuhus-