Sámediggeráđđi lea nammadan ođđa lahtuid Sámedikki Nuoraidpolitihkalaš lávdegoddái (SNPL). Ođđa lahtut doaibmagohtet 01.01.16 rájes ja doibmet jagi.
– Mii leat deattuhan geográfalaš ja sohkabeallásaš juogadeami nammademiin, ja oaivvildit ahte dát nammaduvvon nuoraidlávdegoddi ovddasta Sámi bures, čilge sámediggeráđđelahttu Henrik Olsen.
Ođđa SNPL lávdegottis leat mielde:
Ánná Káisá Partapuoli, jođiheaddji. Várrelahttu, Marion Aslaksen Ravna
Ande Trosten. Várrelahttu, Ronja Larsen
Maja Fjällstrøm. Várrelahttu, Ulrika Snowdon.
Ida Ristiinna Hætta Ophaug. Várrelahttu, Henrik Kristian Atle Olsen.
Jon Christer Mudenia. Várrelahttu, Malene Eriksen.
Ánná Kájsá Partapuoli nammaduvvui SNPL jođiheaddjin. Lávdegoddi vállje ieš iežas nubbijođiheaddji. Ráđđelahttu Henrik Olsen sávvá ođđa lávdegoddái lihku boahttevaš doaimmaiguin.
– Lea deaŧalaš bargu maid lávdegoddi dál galgá álggahit. SNPL lea ásahuvvon dan várás ahte nannet sámi nuoraid váikkuhanvejolašvuođa Sámedikki politihkkii ja lávdegoddi oažžu friija rolla ja sáhttá bargat daid áššiiguin maid ieš gávnnaha guoskevažžan. Mus lea stuorra jáhku dasa ahte sii geat leat nammaduvvon, doaimmahit bargguset buori láhkai, ja mun sávan sidjiide lihku!
