-Almmuhus-
-Almmuhus-
OĐĐASAT Sáme­digge­ráđđi háliida gullat du vásá­husaid skuvla­álgimis

Sáme­digge­ráđđi háliida gullat du vásá­husaid skuvla­álgimis

-

-

Juohke čavčča álgá ođđa skuvlajahki sámegiela oahpahusain. Sámediggeráđđi lea meannudeamen oahpahuslága ja bivdá rávvagiid. Mihttomearrin lea ahte sámi ohppiid ja vánhemiid vásihusat guldaluvvojit, dadjá sámediggeráđđi.

– Mii váldit vuostá buot vásihusaid vánhemiin ja fuolaheddjiin, ja doaibmabidjoevttohusaid sámi skuvlasuorggi várás. Dát lea erenoamáš áigeguovdil dál go skuvllat álget ja ollugat vásihit hástalusaid oahpahusa oažžumis sámegielas ja sámegillii, dadjá sámediggeráđđi Mikkel Eskil Mikkelsen (NSR) preassadieđáhusas.

Sámediggi lea sádden sierra gulaskuddannotáhta; Sámedikki cealkámuš ođđa oahpahusláhkii. Das bivdá Sámediggeráđđi oainnuid makkár rolla oahpahuslágas berrešii leat sámi oahpahusa ektui. Gulaskuddan lea NAČ 2019:23 oktavuođas ođđa oahpahuslága birra. Dát lea maiddái ášši man birra digaštallat Sámedikki dievasčoahkkimis dán mánus.

Sámediggeráđđi čuovvula NAČ Váibmogiela

– Ođđa oahpahusláhka berrešii nannet sámi ohppiid oahpahusvuoigatvuođaid nu ahte oahppit šattašedje aktiiva giellageavaheaddjin, nu ii šatta ođđa oahpahusláhkaevttohusa bokte, mii dál lea ovddiduvvon, ja dat lea šállošahtti. Danne váldá Sámediggeráđđi sámi giellalávdegotti 2016 evttohusaid mielde oahpahuslága meannudeapmái.

Gulaskuddancealkámušat addet govddit vuođu bargui ovddas guvlui, ja konsultašuvnnain Máhttodepartemeanttain boahttevaš gulaskuddanevttohusas. Danne háliidat mii dis eanet rávvagiid maid ferte dahkat buoridan dihtii oahpahusa sámegielas ja sámegillii, ja erenoamážit dis geain leat vásihusat movt sámegieloahpahus lea dál.

– Sámediggái lea nana doarjja jos mii sáhttit čájehit stuorra doarjaga ja áŋggirdeami min evttohusaid ektui konsultašuvnnain ráđđehusain. Danne sávan mun ahte ollugat servet gulaskuddamii, dadjá Mikkelsen.

- Advertisement -
-Almmuhus-