Sámediggi galgá juovlamánus meannudit ođđa universitehta- ja allaskuvlalága ášši.
Sámediggi dieđiha preassađiedáhusa bokte ahte Sámediggeráđđi evttoha ahte Sámi allaskuvla oččošii stáhtusa álgoálbmotásahussan, ja ahte Sámediggi oččošii viiddiduvvon nammadanrievtti UiT – Norgga árktalaš universitehta ja Davvi universitehta stivrraide.
– Sámediggeráđđái lea deaŧalaš sihkkarastit Sámi allaskuvlii ovddidanmuni sámi ásahussan. Danne evttohat mii ahte Sámi allaskuvla rájárasttildeaddji váikkuheaddjin ja dan vuolggasajis ohppui ja dutkamii oainnusmahttojuvvo láhkadahkosiin. Mii diehtit ahte Sámi allaskuvllas leat ambišuvnnat šaddat álgoálbmotuniversitehtan. Sámi allaskuvlla ásaheapmi álgoálbmotásahussan lea lávki dohko guvlui, dadjá sámediggeráđđi Mikkel Eskil Mikkelsen (NSR).
Láhkageatnegahttojuvvon ovddasvástádus
Preassadieđáhusas dieđihit ahte lága vuođul ovddasvástádus Sámediggeráđđi evttoha maiddái ahte Sámi allaskuvllas galgá láhkageatnegahttojuvvon ovddasvástádus buot sámi gielaid ovddideamis fágagiellan.
– Sámediggeráđđi evttoha gulahallama Sámi allaskuvllain dan ektui ahte lága vuođul geatnegahttit daidda ovddasvástádusa buot sámegielain fágagiellan. Dan ferte geahččat Sámi allaskuvlla doaimma olis riikarájáid rastá. Dát illudahttá mu go Sámi allaskuvla lea nu čielggas dás ja mii Sámedikkis áigot čuovvulit dan dalle go universitehta- ja allaskuvlasuorggi rámmat geahčaduvvojit maŋŋelis stuorradiggedieđáhusas, lohká Mikkelsen.
