Sameblod filmmas lei vejolašvuohta ovddastit Ruođa Osca-doaluin Hollywoodas.
Lei gilvu «Sameblod» ja «The Square» filmmas goabbá galgá ovddastit Ruoŧa Oscar-doaluin Hollywoodas ja «Sameblod» vuoittáhalai «The Square» filbmii, dieđiha SVT Sápmi.
Amanda Kernella filbma «Sameblod» ja Ruben Östlunda filbma «The Square» ledje favorihtat mat galge ovddastit Ruoŧa filbma Oscaris.
«Sameblod»
Amanda Kernell filbma, «Sameblod», muitala sámenieidda birra 1930:in, gii šattai skuvlii vuolgit. Dan botta go skuvlla váccii, de su givssidedje ruoŧŧelaččat, cábme su, gehčče ártegit sutnje, eiseválddit mihtidedje su oaiveskálžžu, ja mihttu lei ruoŧagiela oahpahit sámi mánáide. Go Ruoŧa sámenieida, Elin Hotti, manai geahččat dan filmma, de dat buvttii sutnje fas muittuid movt sus lei dilli go son lei nuorra nieida Guhttásis, moadde miilla olggobealde Gárasavvona, Davvi-Ruoŧas.
