Vai geavaheaddjit galget hárjánit ođđa máhkuide oahpes biebmogálvvuin, de leat buvttadeaddjit vihtta jagi veahážiid mielde unnidan sáltti, sohkkara ja buoiddi iešguđetge gálvvuin.
Fafo-dutki Anne Hatløy čilgii duorastaga ahte doaibmileamos doaibmabidju mii lea dahkkon maŋimuš jagiid vai olbmot borret dearvvašlaččabut, lea optimaliseren.
– Gálvvuin, mat juo gávdnojit, lea unniduvvon sálti, buoidi ja sohkar. Mielkkis lea veahážiid mielde unniduvvon buoidi. Pizzas lea veahážiid mielde unniduvvon sálti. Geavaheaddji ii ieš mearrit, muhto dat gálvu maid dábálaččat ostet leat veahážiid mielde šaddan dearvvašlaččabut, dadjá Hatløy.
