Oktiibuot 31 olbmos lea duođaštuvvon salmonella. Okta dain ássá Romssas ja Finnmárkkus.
Álbmotinstituhtta dieđiha ahte Norggas leat dál duođaštan salmonealla 31 olbmos geat ásset iešguđetge sajiin Norggas.
Dássážii lea salmonella duođaštuvvon 11 olbmos Vestlánddas, 8 olbmos Vikeni, 5 olbmos Telemárkkus ja Vestfolddas, guovtti olbmos Innlandet fylkkas ja guovtti olbmos Trøndelagas. Oslos, Møre ja Romsdalas ja Romssas ja Finnmárkkus leat duođaštan salmonella ovtta olbmos guđege fylkkas.
13:s dáin leat gártan buohccivissui. Dovdomearkkat leat váibmogákkahat, luhčadávda, čoavjebávččas, oaivebávččas ja feber.
– Salmonelladávda dábálaččat dovdo dego golgodávda ja eatnašat jođánit dearvvašnuvvet nu ahte eai fina ge doaktára luhtte. Dán bákterineleavvama leat dál fuomášan danne go muhtimat leat gártan buohccivissui, lohká Álbmotinstituhta seniorráđđeaddi Heidi Lange
Salmonella njoammu dábálaččat biepmus man borat. Bures steiket dahje vuoššat biebmu eastada dávdda njoammumis. Salmonella ii gierdda dakkár liggema.
