Mearradutkaninstituhtta lea registreren stuorát šákšamáddodaga Barentsábis dán jagáš ekovuogádatbivddus go maŋimuš guovtti jagis.
Mearradutkaninstituhtta lea registreren stuorát šákšamáddodaga Barentsábis dán jagáš ekovuogádatbivddus go maŋimuš guovtti jagis.
Diibmá ja jagi ovdal konkluderedje dutkit ahte šákšamáddodat sáhttá leat jávkamin. Dán jagi orru dilli olu buoret.
– Erenomážit ledje eambbo láddan go galggašii vuordit. Dat mearkkaša guokte- ja golmmajahkásaš šávššat, mat leat gergosat gođđat dálvái, dadjá mearradutki Georg Skaret.
Dorski birgen bures
Šávšša lohket Bárentsábi čoavddanállni, ja lea dehálaš borramuš earret eará dorskái, sáidái ja fállái. Danin lea dutkit vuorjašuvvan ovddit jagiid gávdnosiid dihte.
– Dorski orru dál lea birgen bures šákšajávkama čađa. Dat orru leat buori vuoimmis, ja dál leat buoret vejolašvuođat gávdnat borramuša lagamus áiggis, muitala Skaret.
Ekovuogádatbivddu Bárentsábis čađaha Mearradutkaninstituhta oktii jahkái ja dan seamma dahká Ruošša oahppoinstituhtta PINRO Murmánskkas.
(©NTB)
