Álttá dievddut leat guokte čuoggá ovdalis Raufoss PostNord ligas (avd1), mii lea goalmmat sajis, ja 16 čuoggá maŋŋelis HamKam mii lea vuosttaš sajis. Ovdal čavčča maŋemus čiekčama lea sis ain vejolašvuohta nagodit doalahit nuppi saji.
Alta 2. divišuvnna dievddut čikče 0-0 mannan vahkkoloahpa go deaivvadedje Raufossain.
Dat lei sin nubbin maŋemus čiekčan, ja lei danne dehálaš čiekčan.
Maŋemus čiekčan
Álttá dievddut čikčet iežaset maŋemus ráidočiekčama lávvordaga, ruovttušiljus.
Dán čiekčama lea dehálaš vuoitit jus galget bissut nuppi sajis, ja danne maid bissut kvasifiserensajis.
Moallaerohus
Raufoss ja Asker leat joavkkut mat leat Áltá maŋis, goappašat joavkkut dušše guokte čuoggá maŋŋelis.
Jus Áltá čiekčá dássálaga iežaset maŋemus ráidočiekčama, ja Raufoss ja Asker fas vuitet, de šaddá Áltá goalmmat sadjái, moallaerohusa geažil. Raufossas leat 24 plussamoala, Álttás 19 ja Askeris 11.
Ruovttučiekčan
Lávvordaga deaivvadit Álttá dievddut Skeid joavkkuin ruovttušiljus, Finnmarkhallenis.
Altaposten čálii dán ovddemus.
