Skáiddi ruovdi nama besset sii guoddit geat leat čađahan Skáidi Xtreme dahje Skáidi Adventure gilvvuid viđa geardde.
Skáiddi ruovdi nama besset sii guoddit geat leat čađahan Skáidi Xtreme dahje Skáidi Adventure gilvvuid viđa geardde.
Hammerfeasta sihkkelsearvi lágida Skáidi xtreme ja Skáidi Adventure meahccesihkkelgilvu okte jagis ja vuohččán lágiduvvui gilvu 2012. Gilvvut leat Skáiddis Fálesnuoris ja dán jagi leage viđat have dat lágiduvvo ja 15 olbmos lea vejolaš šaddat Skáiddi ruovdin.
Guokte luohká
Skáidi Xtrem gilvu lea birrasiid 45 kilomehter meahci sihkelasttet ja das váldo áigi. Adventure ges lea beallemátki das, ja dat lea lášmohallan luohkká.
Profeššuneallat
Skáidi Xtreme beaivválaš jođiheaddji Odd Peder Wang-Norderud muitala sii leat bidjan dan Skáidi ruovddi go háliidit gudnejahttit sihkelastejedjiid.
– Gilvvuide bohtet oasseváldit miehta máilmmi, geat leat profeššunealla gilvaleaddjit ja sii dieđusge váldet ovddemuš sajiid gilvvus Xtrem gilvvus, lohká son.
Dábálaš olbmuide
Wang-Norderud muitala gilvu lea maid dábálaš olbmuide.
– Adventure gilvvus lea vejolaš dábálaš olbmuide mielde, geat eai gossige vuoitte makkarge sihkkelgilvvuid. Skáiddi ruovdin leage buohkain vejolaš šaddet geat viđa geardde servet, ja dat maiddái movtidahte searvat eanet go dušše okte, lohká Wang-Norderud.
Čiegus vuoittu
Wang-Norderud muitala Skáiddi ruvddiide lea maid erenoamáš vuoittu.
– Lea čiegus mii lea vuoitun, muhto sáhttán lohkát ahte buot vuoittut lea vuolgán Finnmárkkus.
Vuoittuid lea Finnmárkku Opmodat, FeFo sponsen.
