-Almmuhus-
SMÁVVAOĐĐASATSáhttet šaddat rádjo­streaikkat ja guoros ildut borramuš­buvddain

Sáhttet šaddat rádjo­streaikkat ja guoros ildut borramuš­buvddain

-

-

Buvddaid ja gálvodistribušuvnna bargit streikejit duorastaga jus ii leat ovttamielalašvuohta grossistašiehtadallamis. 3600 bargi leat gergosat streiket.

Bealit deaivvadedje riikkasoabadeaddji luhtte maŋŋebárgga maŋŋel go šiehtadallamat cuoŋománus eai lihkostuvvan. Áigemearri lea gaskaija gaskavahkku.

Ovttastuslihttu lea vuoruhan buoret gávppašanvejolašvuođa ja rievdadusaid bargoáigeortnegii iežaset gáibádusain bargoaddibeallái váldoorganisašuvnnas Virkes.

– Mun doaivvun ahte Virke lea eanet mielas šiehtadallat soabaheamis go dan maid vásiheimmet šiehtadallamiin cuoŋománus, dadjá Fri Fagbevegelse šiehtadallanjođiheaddji Joachim Espe.

Sullii 3600 rádjobargi ja vuoddji streikegohtet duorastaga iđida rájes jus bealálaččat eai soabat. Dat leat masá buot Ovttastuslihtu miellahtut dán suorggis, mii mearkkaša ahte ollu borramušbuvddain jođánit guorranit ildut, čállá Nettavisen. Dat guokte stuora borramušgrossistta Asko ja Coop leat fitnodagaid searvvis geaidda dát čuohcá. (©NTB)

-Almmuhus-