-Almmuhus-
-Almmuhus-
-Almmuhus-
OĐĐASATSáhttet hilgut ovttasbargošiehtadusa

Sáhttet hilgut ovttasbargošiehtadusa

-

-

Finnmárkku Bargiidbellodagas leat guovtti oaivilis galget go dohkkehit vai hilgut Finnmárkku ja Romssa ovttastahttinšiehtadusa.

VG čállá ahte Bargiidbellodagas lea nu garra vuosteháhku šiehtadussii, ahte sii sáhttet rievdadit ášši bohtosa fylkkadikkis.

– Lea váttes ášši. Mun lean vuohttán ahte olbmot, geat dorjot šiehtadusa, orrot jaska. Vuosttaldeaddjit fas mobiliserejit garrasit. Orru ahte šaddá eanetlohku «ii» beale, lohká Porsáŋggu sátnejođiheaddji Aina Borch (Bargiidbellodat) VG:i.

 

Mearridit boahtte vahkkoloahpa

Bargiidbellodat lea stuorámus bellodat Fylkadikkis, ja leat dávjá ovttaoaivilis stuorát áššiin.

Fylkkajođiheaddji Ingalill Olsen lea duođaštan aviisii ahte fylkadiggejoavku čuovvola dan maid bellodaga fylkajahkečoahkkin mearrida boahtte vahkkoloahpa.

Borch mieđai šiehtadussii, muhto čujuhii dasa ahte jus livčče hilgon šiehtadusa, dalle livččii gielddaministtar Monica Mæland (Olgeš) ja ráđđehus sáhttán stivret oktiičaskima.

 

Vuosteháhku

NRK Finnmárku lea čađahan iskkadeami, ja dat čájehii ahte 12 buot Finnmárkku 19 sátnejođiheddjiin vuosttaldit šiehtadusa. Eatnasat sis leat Bargiidbellodaga sátnejođiheaddjit.

Čáhcesullo Bargiidbellodaga jođiheaddji, Wenche Pedersen lea áibbas sihkar.

– Jus hilgut, de lea čielga diehtu guovddáš eiseválddiide ahte dát ii leat doallevaš, logai Pedersen NRKii.

Maiddái ovddeš nubbijođiheaddji Helga Pedersen vuosttalda šiehtadusa.

(©NTB)

-Almmuhus-