Filmma váldoolmmoš ii astta ieš vuolgit filbmagállái gos sáhttá vuoitit Ruoŧa stuorimus filbmabálkkašumi odne eahket.
Filmma váldoolmmoš ii astta ieš vuolgit filbmagállái gos sáhttá vuoitit Ruoŧa stuorimus filbmabálkkašumi odne eahket.
«Stoerre vaerie» filmmain lea odne stuora vejolašvuohta vuoitit Ruoŧa stuorimus bálkkašumi – Guldbagge. Bálkkašumi juohká Ruoŧa filbmainstituhtta ja lea Ruoŧa alimus filbmabálkkašupmi.
Filmma lea Amanda Kernell ráhkadan, ja filbma lea nammaduvvon buoremus oanehisfilbman. Filbma lea maid ožžon máŋga bálkkašumi jo, ja čájehuvvon máŋgga internašunála filbmafestiválas.
Loga maid: – Ságastallamat seamma divrasat go bálkkašumit
Ii astta ieš dohko
– Lea mávssolaš go dat čájehuvvo eará sajis máilmmis, muitala filmma váldorolla Maj-Doris Rimpi SVT Sápmái.
Filbmagalla odne leat Stockholmas, muhto Maj-Doris Rimpis ii leat vejolašvuohta vuolgit dohko go ferte leat ruovttus boazogeahččin.
– Ferten plánet gaskkohaga buot bargguid geahčestit dan Guldbagge-prográmma. Livččii nu buorre jus dat vuoitá oanehisfilbmaoasis. Dat livččii vuoitun sihke munnje ja sámi kultuvrii, lohká Rimpi SVT Sápmái.
Eará oanehisfilmmat mat leat nammaduvvon leat «Audition» ja «Kung Fury».
