NAF dieđiha ahte eiseválddit sáhttet boahtte jagi rájes addit lobi biilavuddjiide vuodjit goallosjorriin mohtorgeainnus 100 km/t. Muhto dušše jus das leat goazanat.
NAF (Norgga Automobiilla Searvi) dieđiha preassadieđáhusastis ahte boahtte jagi rájes šaddá árvideames lohpi vuodjit goallosjorriin gitta 100 km/t mohtorgeainnus jus das lea goazan. Geaidnodirektoráhtta lea dán čavčča sádden ášši gulaskuddamii evttohusa lasihit johtolatrájá biillaide mat geasehit goallosjorri.
Dál lea 80 km/t
Dál lea dušše lohpi vuodjit gitta 80 km/t goallosjorriin – maiddái mohtorgeainnuin gos johtolatrádjá lea 110 km/t. Dan eai dieđe olusat ja sáhkut sáhttet spiidet bures jus gávnnahallá lobiheamet vuodjimis. Dás lea maid sihkarvuođariska go erohus lea šaddan nu stuoris daid gaskkas geat vudjet goallosjorri haga ja sii geat geasehit goallosjorri, čállet sii.
