-Almmuhus-
-Almmuhus-
-Almmuhus-
OĐĐASATSáhttá massit vuodjen­koartta guđa mánnui

Sáhttá massit vuodjen­koartta guđa mánnui

-

-

18-jahkásaš galgá leat rihkkon geaidnojohtolaga. Son lea áššáskuhtton máksit 8000 ruvnno ja sáhttá massit vuodjenkoartta guđa mánnui. 

Finnmárkku politiijameašttir lea áššáskuhttán 18-jahkásaš nieidda. Son lea rihkkon geaidnojohtolaga paragráfa 31 vuosttaš lađđasa, ahte juohkehaš galgá vánddardit fuolalaččat, áicevaččat ja várrogasat.

Ii nagodan stivret biilla

Son lea áššáskuhtton go galgá njukčamánus vuodján váruheamet biillain, go ii nagodan šat stivret biilla nu ahte biila šleaŋggui duohkot deike guktot bealde vuodjinluotta.  Biila deaivvai muohtačoaltto olgešbealde luotta ja loahpas bissánii boasttubeallái luotta. Biilla lei vulosoivviid, lihkohisvuođa oktavuođas de galgá nieida roasmmehuvvan ja sáddejuvvui SeaKing gádjunhelikopteriin buohccevissui. Biillas ledje stuorra materiála vahágat.  

Ášši galgá meannuduvvot Sis-Finnmárkku diggegottis  borgemánu 10, beaivvi. 

-Almmuhus-