Mikrobárroomman sáhttá várálaš, jus ii dieđe maid ábuha sisa bidjat.
Mikrobárroomman sáhttá várálaš, jus ii dieđe maid ábuha sisa bidjat.
Sáhttá jođánit vajálduhttit mii gierdá mikrobárroommana, ja mii ii gierdda. Jus ribaha bidjat dakkár diŋgga sisa mii ii gierdda ommana, de sáhttá buollát.
– Mii diehtit ahte jápmimat buollima oktavuođas dávjjimusat leat gássa dihtii. Danne lea dehálaš iskat maid sáhttá bidjat mikrobárroommanii, lohká Øyvind Setnes Tryg Forsikring preassadieđáhusas.
– Hirbmat várálaš
Mannan duorastaga šadde buollinčáskadeaddjit vuolgit Vestfolda buohccivissui go mikrobárroomman lei buollán. Čájehuvvui ahte sivva buollimii lei gohppu mii ii gierdan mikrobáruid lieggasa.
– Lea hirbmat várálaš boasttu biergasiid bidjat mikrobárroommanii. Plastihkka sáhttá suddat ja buollát, ja mirkkot sáhttet suođđat. Danne berre iskat girdet go buot diŋggat mikrobáruid, lohká Setnes.
Iskka mearkkaid
Buot plastihkat eai gierdda mikrobárroommana. Eanas viessoartihkkaliin leat mearkkat mat muitalit gierdá go vai ii. Mearka lea dávjá vuođus, ja das oaidná gierdá go mikrobárroommana, sáhttá go biepmuid bidjat dan sisa ja gierdá go bassanmaskiinna.
– Dávjá čuožžu maid makkár temperatuvrra gierdá. Jus daid čuovvu, de lea buorre, lohká Setnes.
