-Almmuhus-
-Almmuhus-
-Almmuhus-
OĐĐASAT– Sahte­dohko dolla­ruson geava­heapmi dagaha vahagiid

– Sahte­dohko dolla­ruson geava­heapmi dagaha vahagiid

-

-

Dan rájes go bođii soabberakeahtaid gielddus 2008:s, de leat uhcit dollarusonlihkohisvuođat registrerejuvvon.  

Servodatsihkarvuođa ja gearggusvuođa direktoráhtta (DSB) ja Norgga dollasuodjalansearvi jáhkket siva dasa lea maid lea go dollarusoniid kvalitehta lea buorránan. Eanaš vahágat mat dáhpáhuvvet dál, lea olbmuid sahtedohko dollarusoniid geavaheapmi, čállá Standard Norge preassadieđáhusas. 

– Dollarusoniid suorgi lea vuđolaččat regulerejuvvon dál. Mii oaidnit ahte vahágat ja buollimat, maid dollarusonat leat álggahan, geahppánedje das maŋŋá go soabberakeahtaid gielddus bođii. Dat vahágat maid dál oaidnit, vulget eambbo go olbmot leat sahtedohko, ii ge dollarusoniid heajus kvalitehta geažil, lohká Norgga dollasuodjalansearvi Line Holtberget. 

Dollarusonat galget čuovvut pyroteknalaš njuolggadusaid mas leat garra gáibádusat. Das galgá čuožžut man olu krukta das lea, man guhká bullehat buollá, sihkarvuođa gaska, unnimus 15 mehtera, ja makkár kategoriijas dat lea. CE-mearka muitala, lea go dollaruson dohkkehuvvon. Das galgá maid čuožžut ahkerádjá ja geavahanráva. 

-Almmuhus-