-Almmuhus-
OĐĐASATSáhtát vuoitit jus cokkat gávtti dahje beaskka

Sáhtát vuoitit jus cokkat gávtti dahje beaskka

-

-

Ii ge vel das galle, Máze doaluin «Sámi álbmotbeaivi on ice» beasat vel deaivvadit muhtin násttiiguin.

Mázes álgá Sámi álbmotbeaivvi ávvudeapmi diibmu 12, vuos rahpamiin go lávlot ja luistejit. Dasto galgá sámediggeáirras dadjat moadde sáni ovdal go guossohit biđđosa, gáfe ja gáhkuid. Prográmmas čállet ahte galget dulvadeami birra ságat ja maiddái stohkosat ja muitalusboddu mánáide. 

Lágideaddji Marit Helene Eira muitala ahte sii áigot vuorbádit sin gaskkas geat leat čiŋadan gávttiin dahje beaskkain, nu go diibmá maid dahke. 

Dán jagi lea maid hui gelddolaš go boahtá muhtin násti sin jiekŋadoaluide. Eira ii muital vuos geat dat leat. 

– Bohtet stuora násttit, sihke lávlun- ja várra maid luistennásti. Muhtimiidda leat dat hui oahpes olgoriikkanásttit. Sii áigot boahtit Mázii juo lávvordaga, go de leat juo doalut jieŋa alde, gos mis lea bargobádji mas stoahkat veahá sámi ivnniiguin, muitala Eira. 

Sotnabeaieahkeda diibmu 17.00 lea Máze girkus ipmilbálvalus. 

-Almmuhus-