Jus ávvirmeahttunvuođain dagahat rakeahttabuollima, dalle sáhttá ođđa jahki álgit oalle funet. Sáhtát manahit oasi dáhkádusas jus it leat várrogas.
Jus ávvirmeahttunvuođain dagahat rakeahttabuollima, dalle sáhttá ođđa jahki álgit oalle funet. Sáhtát manahit oasi dáhkádusas jus it leat várrogas.
– Juste man olu sáhtát manahit, rievddada. Das man ávvirmeahttun leat leamaš. Jus leat stuora vahága dagahan, billistan viesu, de sáhttá leat sáhka čuđiid duháhiin. Dat ii leat nu buorre álgu ođđa jagis, lohká Arvid Steen. Son lea preassaoktavuohta Tryg Forsikring dáhkádusfitnodagas.
Ovdamearkan, movt čilge erohusa roavva ávvirmeahttunvuođas, ja ii nu roavva ávvirmeahttunvuođas.
– Jus leat bihkka gárremiin, ja jáhkát ahte lea buorre jurdda cahkkehit rakeahta stobus, de gal manahat oasi dáhkádusas. Muhto jus leat gárreme, cahkkehat rakeahta biila bisánanbáikkis, ja biegga doalvu dan, dalle gal lea ášši áibbas eará, lohká Steen NTB ođasfitnodahkii preassadieđáhusas.
Alkohola vahágiin
Alkohola dagaha ge ahte juste jahkemolsašumi oktavuođas leat hui olu vahágat. Dávjá lea gárrenolbmuid sivva go buollá, dahje jus olmmoš roasmmehuvvá.
– Vahát-statistihkka lassána go alkoholageavaheapmi lassána. Lihkkus eai leat lihka olu jallošeamit go ovdal. Daid maŋemuš jagiid leat olbmot šaddat čeahpibut, ja vahát-áššit unnot, lohká Steen.
Ii fal buksalubmii
Steen dovdá ahte lea goit ge dehálaš rávvet movt eastadit heajos álggu ođđa jagis.
– Lea hui dábálaš ahte olbmot báhčalit rakeahtaid dušše vihtta mehtera eret viesus. Ja de girdá rakeahtta vissui. Ávžžuhan geahččalit eastadit dan, lohká son.
Tryg ávžžuha maid ahte ii galgga rakeahtaid bidjat buksalubmii. Sihkkeliid ja eará unnit biergasiid berre lásset, vai gárrenolbmot eai doalvvo.
– Jus leat ruovttudahkkon rakeahtat, dahje lobihis rakeahtat, de ii oaččo ge máksot buot maid muđui livčče, dieđiha dáhkádusfitnodat. ©NTB
