-Almmuhus-
-Almmuhus-
-Almmuhus-
OĐĐASATSáhtát ieš iskat nuoskki­deami áimmus iežat ruovttu­báikkis

Sáhtát ieš iskat nuoskki­deami áimmus iežat ruovttu­báikkis

-

-

Dálvet vearáska áibmokvalitehta ja olbmot geain lea hearkkes dearvvašvuođadilli, šaddet gillát. Dál sáhtát iskat áibmokvalitehta doppe gos don leat.

Neahttabálvalus  Luftkvalitet i Norge lea dego dálkedieđáhus, dušše ahte lea áimmu nuoskkideami birra. Áibmodiehtu ihtá dan neahttasiiddus go ozat báikki gos leat, ja maiddái Yr áppas oidnojit dat dieđut.

– Dál álgá áigodat go áibmokvalitehta lea heittot. Dalle lea bálvalus earenoamáš dehálaš, go dat čájeha man olu olgoáibmu lea nuoskkiduvvon. Olbmuide lea álkit garvit mannamis olggos go dihtet áibmu lea nuoskkiduvvon, lohká Birasdirektoráhta direktevra Ellen Hambro.

Áibmodiehtu lea maid dehálaš suohkaniidda ja luoddaeaiggádiidda vai sáhttet rievttes doaimmaid bidjat johtui nuoskkideami ektui.

Leat Meteorologalaš instituhtta, Birasdirektoráhtta, Stáda geaidnodoaimmahat, Álbmotdearvvašvuođainstituhtta ja Dearvvašvuođadirektoráhtta mat leat ovttasbargan áibmodieđihanbargguin.

-Almmuhus-