Deanu politiijat čađahit šelggonakšuvnna dán dálvvi, mii álgá dál. Akšuvdna bistá gitta njukčamánu rádjái, ja politiijat háliidit ahte buohkat Deanus geavahit šelggona.
Deanu politiijat čađahit šelggonakšuvnna dán dálvvi, mii álgá dál. Akšuvdna bistá gitta njukčamánu rádjái, ja politiijat háliidit ahte buohkat Deanus geavahit šelggona.
Jus oainnahalat politiijaide Deanus ja lea šelggon biktasis gitta, de skeŋkejit politiijat 200 ruvnno dutnje.
– Dál lea seavdnjadeamos áigi jagis. Lea seavdnjat go mannat bargguide, skuvlii dahje eará doaimmaide, ja lea seavdnjat go mannat ruoktot. Danne lea dehálaš ahte geavahit šelggona, dieđihit Deanu politiijat.
Deanu leansmánnekantuvrras leat šelggonat ja Trygg Trafikk -šelggonbiktasat maid juhket sihke mánáide ja rávisolbmuide. Olbmot ožžot viežžat šelggoniid leansmánnekantuvrras, ja lea maid šelggonuvjaguovža man sáhttá mánávovdnii sákkastit gitta.
Nuoraid movttiidahttit
Politiijat háliidit erenoamážit ahte nuorat geavahit šelggona.
– Olbmot leat dieđihan midjiide ahte nuorat vázzet sevdnjes biktasiiguin seavdnjadasas, eai ge oidno nu bures johtolagas go lea seavdnjat. Dat sáhttá dagahit várálaš dili, ja mis ii leat okta ge massit, dadjet politiijat.
Deanu leansmánnekantuvra lea ožžon johtolatsihkarvuođadoarjaga Finnmárkku fylkkagielddas man politiijat háliidit geavahit movttiidahttin dihte geavahit šelggona.
– Jus mii oaidnit du Deanus vaikko goas beaivvi mielde, ja dus lea šelggon badjelasas, de oaččut 200 ruvnno vuoitun geavaheami dihte. Sihke boarrásat ja nuorat sáhttet oažžut dán skeaŋkka, muitalit politiijat preassadieđáhusas.
