Olusat leat vásihan ahte čakčat bahkkejit sáhpánat sisa, eaige olbmot liiko ahte dat bohte dáluid sisa. Olu olbmot gilvet sáhpánmirkko loktii dahje kievkkanskáhpii goddin dihtii daid elliid. Dán mirkko váikkuhusaid birra eai leat goassege dutkan
Olusat leat vásihan ahte čakčat bahkkejit sáhpánat sisa, eaige olbmot liiko ahte dat bohte dáluid sisa. Olu olbmot gilvet sáhpánmirkko loktii dahje kievkkanskáhpii goddin dihtii daid elliid. Dán mirkko váikkuhusaid birra eai leat goassege dutkan
Gávpogis gilvet ámmátolbmot daid roahttomirkkuid gávpotviesuid lahka, erenoamážit gos buvttadit borramuša, čállá forskning.no
Mirkkos lea ávnnas mii dahká ahte várra ii gieluluva, nu gohčoduvvon varranjárbbudanávdnasat, mat dagahit ahte sáhpán dahje roahttu jápmá.
Dávjá ii jáme dat nu jođánit ja sáhpán dahje roahttu beassá olggos gosa borro eará elliide dahje boralottiide, nugo bussái, beatnagii dahje skuolfái.
Eará elliin gávdnet mirkko
Dán mirkko váikkuhusat eará elliide ii leat ovdal dutkojuvvon.
NMBU Veterinærinstituttet studeanttat dutke 60 beatnaga mat ledje jápmán iešguđet sivain. Viđas dain ledje jápmán go ledje borran juoidá mas lei roahttomirkko.
Bagadalli NMBU professor Lars Moe lohká son šattai fuolas go olbmot dávjá buktet šibitdoaktárii beatnaga mii vardá, lea šliettas dahje lea varaheapme.
Veterinærinsituttet dutki Aksel Bernhoft lea ges gávdnan eanaš litnuin dahje stuorraskuolffiin maid lea dutkan, roahttomirkko.
– Sáhttá váttisvuohtan mánáide
Ádjána guhkes áiggi ovdal go roahttomirkko jávká beatnagis.
– Jus dát lea váttisvuohta beatnagiidda, de sáhttá maid leat váttisvuohtan mánáide. Dán birra eat dieđe maidege, lohká professor Lars Moe.
Roahttomirkko sáhttá leat stuorát birasváttisvuohta go dutkit leat jáhkán.
Rávvejit geavahit baicce gilláriid
Moe lohká maid ahte ii gávdno diehtu man olu sáhpán- ja roahttomirkko vuvdo Norggas.
Son muitala leamaš váttis oažžut ruhtadeami kártet man stuoris dát váttisvuohta duođaid lea.
Amerihká dutkit leat fuomášan ahte liikedihki mii dagaha saŋasdávdda elliin, sáhttá čatnat roahttomirkkui mii lea geanuhuhttán ealli dearvvašvuođa.
Birasdirektoráhta čavgii mirkkogeavaheami 2012 ja EUs ožžot gieludahttinávdnasat garrasut klassifiserema ja priváhta olbmot eai beasa daid šat oastit.
Dutkit rávvejit olbmuid geavahit sáhpán- ja roahttogilláriid dan sadjái go mirkko.
