-Almmuhus-
OĐĐASATSáhkku jus it logát ealu

Sáhkku jus it logát ealu

-

-

Dan geažil go Lákkonjárgga orohaga eallu ii lohkkon, de lea Fylkkamánni mearridan čavget ráŋggaštemi jus boazodoallit hehttejit lohkamiid.

Finnmárkku Fylkkamánni mearridii čavget ráŋggášteami sidjiide geat aktiivvalaččat hehttejit boazolohkama, maŋŋel go Lákkonjárgga orohaga eallu ii lohkkon go guokte siidaossosa eaba boahtán lohkamii buozalmasvuođa geažil, eaba ge lean ovddasteaddji sádden lohkamii, dan čállá NRK Sápmi iežas neahttasiiddus.

– Mii mearrideimmet čavget dán ráŋggášteami maŋŋel go Láhkonjárgga ealus maŋidedje lohkama, lohká Eanandoallodirektoráhta boazodoalloossodaga sekšuvdnahoavda Liv Berit Hætta.

Son deattuha ahte dát ođđa njuolggadus ii váikkut moktege Lákkonjárgga orohaga dáhpáhussii, muhto das ovddos guvlui.

 

Sáhkku vuosttaš beaivvi rájes

Boazodoallit geat aktiivaloaččat hehttejit boazolohkama sáhkkohallet dan beaivvi rájes go lohkkan livččii galgat čađahuvvot. Boazodoallolága almmolaš boazolohkannjuolggadusain čuožžu earet eará nuppi paragráfas ahte siidaoasi jođiheaddji dahje sadjásaš gean son vállje, geatnegahtto láhčit boazolohkama fylkamannái, ja geatnegahtto maid leat mielde lohkamis. Váilevaš heiveheapmi dahje oasseváldin sáhttá mielddisbuktit sáhkuid.

 

Aktiivvalaččat hehtte

Hætta čilge ahte sáhkku lea guokte ruvnno beaivái juohke bohcconammii. Son guhte lea hehtten aktiivvalaččat boazolohkama lea dássážii sáhkkohuvvon jahkemolsašumis, nammalassi ođđajagimánu 1. beaivvi rájes, muhto ođđa ráŋggášteami ektui sáhttet boazodoalloeiseválddit ráŋggáštit boazodoalli dan beaivvi rájes go boazolohkama ledje plánen čađahit.

 – Jus lea nu ahte boazodoalli ii boađe lohkamii, leaš dál nu ahte son ii hálit dahje eai leat gávdnan ovddasteaddji gii sáhttá ovddastit sin siidaoasi, lohká Hætta čilgehussan dasa movt sii árvvoštallet «aktiivvalaččat hehtte boazolohkama» doahpaga.

 

 

-Almmuhus-