-Almmuhus-
OĐĐASATSáhkku divru 5000 ruvdnui ja čuoggát maid lassánit

Sáhkku divru 5000 ruvdnui ja čuoggát maid lassánit

-

-

Ođđajagi rájes gártá máksit 5000 ruvnnu jus gavnnahallá geavaheames mátketelefovnna vuojedettiin. 

Jagi 2000 rájes leat olbmot ráŋggáštuvvon jus hállet dahje čuggot mátketelefovnna go vudjet biillain. Dál lea sáhkku 1700 ruvnnu ja biilavuoddji oažžu guokte čuoggá biilavuodjenkortii jus gávnnahallá geavaheames telefovnna vuojedettiin. 

– Lea váralaš geavahit mátketelefovnna go vuodjá biillain ja Norggas leamaš gielddus dan dahkat jagi 2000 rájes. Dattege eat vuohte ahte olbmot bidjet eret telefovnna, ja danin fertet divrudit sáhku, dadjá johtolatministtar Knut Arild Hareide preassadieđáhusas. 

Ođđajagemánu 1. beaivvi rájes gártá máksit 5000 ruvnnu ja dasa lassin oažžu golbma čuoggá biilavuodjenkortii jus váldo geavaheames telefovnna vuojedettiin. 

– Mun doaivvun ahte olbmot áddejit duođalašvuođa go dál loktet sáhku ja lasihit čuoggáid biilavuodjenkortii. Johtolagas galgá nu oadjebas go vejolaš ja danin ferte biilavuoddji čuovvut mielde go mátkkošta biilageaidnoráigge, lohká Hareide. 

Eará sáhkut johtolagas maid lassánit 2018-2020 konsumhaddeindeaksa mielde ođđajagi rájes. 

-Almmuhus-