-Almmuhus-
OĐĐASAT Sáhkko­halai go ii veahkehan bussá

Sáhkko­halai go ii veahkehan bussá

-

-

Muhtun almmáiolmmoš Vestlánddas ii váldán iežas hávváduvvon bussá mielde šibitdoaktára lusa.

Almmái sáhkkohalai 14 000 ruvnnuin maŋŋel go  Dyrebeskyttelsen Norge váiddii bussáeaiggáda rihkkon elliidčálgolága, dieđiha Dyrebeskyttelsen preassadieđáhusa bokte.

Diimmá geasi bohte dieđut olbmuin ahte muhtun bussás lea čalbmi hávváduvvan. Bussá lei muhtin ássanguovllus Sunnfjordas. Áigodagas gaskal 2013 -2018 ii addán eaiggát bussái medisiinnalaš veahki vaikko lei hávvi čalmmis. Kránnját válde bussá mielde šibitdoaktára lusa, muhto šibitdoavttir ii sáhttán gádjut bussá čalmmi. Almmái guhte váidui lea dohkkehan  14 000 ruvdnosaš sáhku ja bussá lea ožžon ođđa ruovttu, dieđiha Dyrebeskyttelsen Norge.

- Advertisement -
-Almmuhus-