Finnmárkku johtolatpolitiijat leat čađahan johtolatdárkkisteami odne Deanus.
Politiijat čađahedje ovdal gaskabeaivve johtolatdárkkisteami Sieiddás, Deanu gielddas. Johtolatpolitiijat čađahedje dárkkisteami báikkis gos leaktomearri lea 50 km/d.
– Njealjis sáhkkohalle dan oktavuođas, alimus leaktu mii mihtiduvvui lei 62 km/d, dieđiha Finnmárkku politiijaguovlu Twittera bokte.
Telefovdnageavaheapmi
Maiddái okta eará biilavuoddji sáhkkohalai go geavahii telefovnna vuojedettiin dieđihit politiijat.