Sámi našuvnnalaš psyhkalaš gealbobálvalus SÁNAG fállá ságastallamiid mánáide ja nuoraide geat rahčet psyhkalaččat.
Mánát ja nuorat, geain leat lossa jurdagat ja dovddut, sáhttet váldit oktavuođa Sámi Klinihkain. Fálaldat guoská mánáide ja nuoraide sin sisaváldingielddain, nu go Guovdageaidnu, Deatnu, Unjárga, Kárášjohka, Donjevuotna ja Gáŋgaviika, ja maiddái sámemánáide ja nuoraide olles riikkas.
Das lea sáhka sihke Skype- ja telefovdnaságastallamis daidda geat leat gaskal 6 ja 18 jagi boarrásat. Ságastallamat sáhttet leat davvisáme- dehe dárogillii.
– Mánát ja nuorat sáhttet váldit oktavuođa SÁNAG:in, Sámi Klinihkain ja nu besset ságastit fágaolbmuin. Lea vejolaš oažžut moadde čuovvulanságastallama, čujuhusa haga, čállá SÁNAG preassagulahallanolmmoš Amund Peder Teigmo preassadieđáhusas.
Mánát ja nuorat sáhttet riŋget čuovvovaš nummarii: 78 94 75 00.
