-Almmuhus-
OĐĐASATSámevašši: Maid mii galgat dahkat?

Sámevašši: Maid mii galgat dahkat?

Journalista

-

-

Odne lágiduvvo Romssa girjerádjosis ságastallan man fáddá lea sámevašši ja sámiid vealaheami.

Ráđđehus lea bargamin nationála doaibmaplánain sámevaši vuostá ja dan olis lágiduvvo cealkámuščoahkkin Romssa girjerádjosis mas gažaldat lea — Maid mii galgat dahkat?, čállá ráđđehus. 

Olu iskosat čájehit sámivaši váttisvuohta lea viiddis. 33 proseanta álbmogis Davvi-Norggas lea áiccan vaši sápmelaččaid vuostá maŋemuš jagi, ja 24 proseantta lullisámi guovllus. 11 proseanta sis geat ásset Davvi-Norggas lea negatiiva oaidnu sápmelaččaid vuostá čájeha Norges institusjon for menneskerettigheter (Norgga olmmošvuoigatvuođa ásahus) 2022, čállá ráđđehus. 

Kultur- ja dásseárvoministtar Lubna Jaffery ja sámediggeráđđi Runar Myrnes Balto oassálastiba ságastallamis.

Ságastallan lea nuvttá ja rabas buohkaide, ja álgá diibmu 18.

-Almmuhus-