-Almmuhus-
-Almmuhus-
OĐĐASAT Ságastalai Dánmárkku olgoriikaministariin internationála gávppašeami birra

Ságastalai Dánmárkku olgoriikaministariin internationála gávppašeami birra

-

-

Ealáhusministtar Iselin Nybø deaivvadii duorastaga Dánmárkku olgoriikaministariin Jeppe Kofodiin ságastallat mo korona čuohcá internationála gávppašeapmái.

Korona-pandemiija buktá stuora váikkuhusaid fitnodagaide mat vuvdet olgoriikii sihke Dánmárkkus ja Norggas. Eksporta, internationála gávppašeapmi ja sajusteapmi vuoruhuvvojedje Dánmárkku olgoriikaministara ja Norgga ealáhusministara ságastallamis. 

– Ságastallat bargoustibiiguin lea ávkkálaš ja mávssolaš, earenoamážit go galget gávdnat buori ja bissovaš čovdosiid dán stuora hástalussii, lohká Nybø.

Čavčča mielde almmuha ráđđehus Norgga olgoriikavuovdima doaibmaplána. Doaibmaplánas leat doaibmabijut mat galget veahkehit Norgga ealáhusdoaimmaid sihke koronaáiggi ja maŋŋel koronaáiggi. 

– Ráđđehus ovttasbargá ealáhusdoaimmaiguin ja ealáhusgaskaoapmeapparáhtain. Nu sáhttit mii oažžut eanemus dieđuid mo dávda lea čuohcan, ja meroštallat makkár doaibmabijut heivejit, lohká Nybø. 

Geassemánnu lei čihččet mánnu go Norgga olgoriikavuovdin njiejai, 55,8 miljárdda, 15,6 proseantta unnit go diibmá seamma mánu. Sisafievrrideapmi lassánii 10 proseanttain.

-Almmuhus-