Troandima studeantasearvvit lágidit Sámi álbmotbeaivvi ávvudoaluid lávvardaga.
Saemien Studeenth Tråantesne bovde olbmuid Saemiej Åålmegebiejjie feastadeaivvadeapmái.
Sii lohpidit olu lávluma, feastta, luđiid ja suohttasiid. Daid doaluide beasat nuvttá, muhto fertet tiŋgot ovddalgihtii saji ja dan dagat čujuhusas; http://bit.ly/saemiej ja dieđiheapmi álggii guovvamánu vuosttaš beaivvi tiibmu 12.00.
Doalut bistet birrasii bealgoalmmat tiimmu. Čiŋat gávttiin, bunádain dahje studeantagállábiktasiin, čállet sii.
Lágideaddji lea Studentersamfundet i Trondhjem ja Studentersamfundet i Trondhjem stivra ovttasráđiid Saemien Studeenth Tråantesne. Prográmmas leat earret eará digitála dearvvuođat sámediggepresideantta Aili Keskitalo bokte, Tråantte gieldda sátnejođiheaddji Rita Ottervik bokte ja Thomas Gælok guoimmuha lávlagiiguin ja luđiiguin. Deaivvadeapmi rávdnjejuvvo samfundet.no/live ja Samfundet nammasaš YouTube-kanálas. Dan deaivvadeami sáhtát maŋŋá oaidnit YouTube-kanálas.
