Dievdu gávdnui iežas skohtera guoras, go lei gahččan eret.
50-jahkásaš dievdu sáddejuvvui ikte eahket Girkonjárgga buohccivissui maŋŋel skohterlihkohisvuođa Mátta-Várjjagis.
– Dievdu lei gahččan eret skohteris ja gávdnui das. Mii ovdal lea geavvan, eat dieđe vel, dadjá Finnmárkku politiijaguovllu Eirik Pedersen iFinnmarkii.
Dievdu ii galgga okto leamaš mátkkis, ledje eambbo skohterat.
Eahpečielggas mo dievdduin manná
Dievdu sáddejuvvui ambulánssain Girkonjárgga buohccivissui.
Politiijat eai dieđe vel mo olbmáin manná.
