-Almmuhus-
-Almmuhus-
-Almmuhus-
OĐĐASATSáddejedje váimmuid Mælandii

Sáddejedje váimmuid Mælandii

-

-

Badjelaš 200 divttasvuotnalačča ledje čoagganan duorastaga maŋŋelgaskabeaivvi Ájluktii čájehan dihte ahte dorjot Monica Mælanda rádjemearrádusa. 

– Mii ipmirdit fuolastumi davágeahčen, muhto mii geat bođiimet dása áigut čájehit ahte áššis leat guokte beali. Mii doarjut ministara Monica Mælanda ja háliidit ođđa ceavzilis Hápmira suohkana, mii lea dego unnavieljaš dás. Mii leat positiivvat ja optimisttalaččat, ja illudit ovttas cegget Ođđa Hápmira, dieđiha Lars Th. Kintel. 

 

Ollu doarjja Ájluovttas

Duorastaga ledje badjelaš 200 divttasvuotnalačča čoagganan oktasaš govvii mas olbmot čužžot váimmu hámi mielde. Jándoris ledje njealjádasoassi Ájluovtta ássiin boahtán, ja muhtimat Hápmiris geat dorjot ovttastuhttima. 

Ođđa Hápmira suohkanii šaddet 2750 ássi, mii lea dušše logádasoassi ođđa Áhkánjárgga suohkanis. 

 

– Divttasvuona suohkana politihkkárat mearridedje joatkit ovttastuhttinproseassain sihke davvin ja lulde, ja sis lea álbmogis nanu doarjja.  Duorastaga lei váibmobeaivi Ájluovttas, seammás go suohkanstivračoahkkin lágiduvvui árabut beaivet, muitala vuolggaheaddji Lars Th. Kintel.

 

Geahča filmma:

 

-Almmuhus-