Loabága sámi mánáidgárddi leat sirdán Fossbakkenis Ruŋggu gilivissui, go mánáidgárdevisti ii leat dohkkálaš.
Loabága sámi mánáidgárddi leat sirdán Fossbakkenis Ruŋggu gilivissui, go mánáidgárdevisti ii leat dohkkálaš.
Boares mánáidgárdeviessu Fossbakkenis, lea nu heittot ahte doppe eai sáhte šat doaimmahit mánáidgárddi. Iige Fossbakkena gilisearvvis leat ráđđi divodit vistti, nu ahte mánáidgárdi fertii sirdot, dieđiha Salangen-Nyheter.
Maŋŋil go Biebmobearráigeahčču vel finai geahčadeamen vistti, de fuomášuvvui ahte juhkančáhci ii lean doarvái buorre boares visttis.
Čázis gávdne menddo olu ruovddi ja mangana ávdnasiid, čázis lei boasttu ivdni ja bahča hádja.
Árabus dán vahkos dieđihii Loabága suohkan ahte sámi mánáidgárdi dál lea sirdon Ruŋggu gili vistái, gos galgá doaibmat viidáseappot. Loabága suohkan jođiha sámi mánáidgárddi šiehtadusa mielde man leat dahkan Sámedikkiin.
