-Almmuhus-
OĐĐASATŠadde gurret Álttá girdišilju

Šadde gurret Álttá girdišilju

-

-

Olmmoš lei livkkehan meattá nu ahte ii leat sihkarvuođaiskkadeami čađa mannan.

Buot girdit maŋŋonedje 40 minuhtain, dieđiha VG aviisa.

– Olmmoš manai nu gohčoduvvon rukses sonii, ja dohko eai beasa jus ii leat ožžon čielga dieđu. Go eat gávdnan šat dan olbmo, de šattaimet gurret olles terminála ja sáddet buohkaid sihkarvuođaiskkadeami čađa ođđasit, lohká Avinor preassaovddasvástideaddji Lasse Vangstein.

Dáhpáhus lei sullii beal golmma áigge. Vangstein árvvoštallá ahte ledje birrasii 200 olbmo girdišiljus go dáhpáhuvai.

-Almmuhus-