-Almmuhus-
OĐĐASATŠadde gohččut suohpangieđa darvvihit gárgidan lama

Šadde gohččut suohpangieđa darvvihit gárgidan lama

-

-

Lama lei gárgidan ja jávkan máŋga beaivvi ovdal go njoarostančeahppi bođii veahkkin.

Lama lei gárgidan Ravnanger vásáhusguovddážis ja lei máŋga beaivvi leamaš manus ovdal go sámi njoarostančeahppi Mathis Nils Eira bođii veahkkin.

– Njoarosteaddji, gii bođii veahkkin, darvvihii nuppi njoarosteamis, ja logai vel: « Ja dáinna lehpet máŋga beaivvi ádjánan», muitala vásáhusguovddáža Øystein Blixt Askøyværingenii.

 

Ohce erenoamáš veahki

– Sii ledje sápmelačča, MacGyver ja Indiana Jones seaguhusa ozus. Mun soaittán heivet dasa. Mun dovddan goit ovtta olbmo gii máhttá darvvihit lama suohpaniin, ja dat lean mun, leaikkastallá Eira.

Son njulgesta fas ja dadjá:

– Ii heađisge. Lei dieđusge veahá deatta munnje. Mun lean boazodoalli ja lean njoarostan ollu. Lihkus manai oalle bures, ja lean ilus go oaččuimet fas gitta dan lama.

 

Blixt muitala oahppan ahte lama ii leat áibbas lodji, ja lea váttis váldit gitta go lea hui árgi go oaguhuvvo. Lama oaččui nama «Drama Lama» go lei dramatihka ráhkadan maŋemus beivviid.

 

-Almmuhus-