– Dat lea stuora illu ja maid hui ánssášuvvon, oaivvildit fylkkaráđit Karin Eriksen ja Ronald Wærnes.
Ovddit vahkkus almmuhuvvui ahte Finnmarksløpet beanavuodjingilvvut lágiduvvojit maiddái 2023:s, ja de šaddá guhkesgilvvohallan máilmmimeašttirgilvun.
– Finnmarksløpet lea professionála gilvu ja lea ge máŋggaid jagiid lágiduvvon máilmmidásis. Dat lea eanet go dušše beanagilvu, go dat čájeha Finnmárkku viidát. Sii ovddidit rámisvuođa, ássanmiela ja doaimmalašvuođa báikkálaččat, oaivvildeaba plána-, ealáhus-, ja birrasa fylkkaráđđi Karin Eriksen (Gb) ja ekonomiija- ja kultuvrra fylkkaráđđi Ronald Wærnes (Gb).
– Dat šaddet stuora ja professionála beanagilvvut ja hirbmat álbmotfeasta mas čájehuvvo ealáhus, kultuvra ja luondu. Fylkkasuohkan lea máŋggaid jagiid dorjon daid gilvvuid, ja dan mii leat jurddašan dahkat viidáset, dadjaba soai preassadieđáhusas maid Romssa ja Finnmárkku fylkkagielda lea sádden.
Njunnošis
Lea nuppes go Finnmarksløpet beassá leat máilmmimeašttirgilvvuid verdde.
– Finnmarksløpet leat min stuorimus njunušdoalut ja mii leat rápmásat go ovdána, dadjaba fylkkaráđit.
Finnmarksløpet háliida stuorát internationála posišuvnna ja háliidit šaddat máilmmi bivnnuheamos beanagilvun. Go dál besset lágidit MM-gilvvuid, de lei dat okta dain strategiijain maid Finnmarksløpet bijai vuođđun oažžut ruhtadeami stáhtabušeahta bokte. Solberg ráđđehus ii gávdnan ruhtadeami sin bušeahtas 2022.
– Lea dehálaš ahte Støre ráđđehus dál čorge ja veahkeha addit diehttevašvuođa ja buriid rámmaid go loktejedje gilvvuid stáhtabušehttii, dadjaba Eriksen ja Wærnes preassadieđáhusas maid fylkkagielda lea sádden.
Lohpidit doarjut
Finnmarksløpet lea dehálaš valáštallanlágideapmi, muhto seammás maid lokte davimus fylkka buori nama, čállá fylkkagielda preassadieđáhusas.
Karin Eriksen čujuha maid dan árvohuksemii maid gilvu gilvá go badjel 4000 ijastallama leat lágideami áigodagas, mii lea dehálaš. Dasa lassin leat sihke doaimmat ja gávppašeamit Álttás ja eará bisánanbáikkiin gos leat lágideamit.
Fylkkaráđit Eriksen ja Wærnes sávvaba lihkku Finnmarksløpet gilvvuiguin, ja dadjaba ahte áiguba ain doarjut lágidemiid ekonomalaččat, ja ávžžuheaba vel bellodatustibiid ja ovttasbargoguimmiid ráđđehusas dahkat dan seamma.
