Muhtin 22-jahkásaš dievdu lea dubmehallan čohkkát vihtta jagi ja guhtta mánu go galgá vihtta jagi rohcošan muhtin nieiddažiin. Nieiddaš lei gávccejahkásaš go rohcošeamit álge.
Muhtin 22-jahkásaš dievdu lea dubmehallan čohkkát vihtta jagi ja guhtta mánu go galgá vihtta jagi rohcošan muhtin nieiddažiin. Nieiddaš lei gávccejahkásaš go rohcošeamit álge.
Dievdu, gii čuoččuhii iežas sivaheapmin go diggi álggii Álttá diggegottis, lea dubmehallan ráŋggáštuslága mearrádus seksualálaš rohcošeami vuođul, namalassii mánáid vuostá geat leat vuollel 14-jahkásaččat ja vuollel 10-jahkásaš mánáid vuostá, dieđiha NRK.
Lassin giddagasdupmui, de šaddá son máksit 200 000 buhtadusa nieiddažii.
Gávdne duođaštusaid
Ášši almmostahttui go nieiddaš muitalii rohcošeami birra muhtin politiijabálvái go lei gávnnahallan suoládeamis. Dutkamis lea son vuđolaččat čilgen rohcošeami dan rájes go son lei 8-9-jahkásaš.
Politiijat gávdne dievddu siepmana báiddis man nieiddaš lei čilgen, ja sii gávdne vel nieiddaža čolgga dievddu buvssain.
Riekti oaivvilda duođaštuvvon ahte dievdu lea seksualálaččat ovttastallan nieiddažiin máŋgga geardde ovdal go nieiddaš lei 10-jahkásaš gitta njukčamánu rádjái diibmá. (©NTB)
