-Almmuhus-
SMÁVVAOĐĐASATRuvke­fitnodat Bájilis oažžu lobi joatkit 35 jagi

Ruvke­fitnodat Bájilis oažžu lobi joatkit 35 jagi

-

-

Ruoŧa Eanan- ja birasduopmostuollu addá Kaunis Iron ruvkefitnodahkii, Bájilis, Davvi-Ruoŧas, fas doaibmalobi. 

Doaibmalohpi lea Kaunisváris Bájila suohkanis Norrbottena leanas. Lohpi bistá 35 jagi. Fitnodat oažžu eanemusat roggat 10 miljovnna tonna ruovdemálmma jahkásaččat. 

Kaunis Iron lea doaibman Bájilis 2018 rájes. Dál fitnodat fas iskagoahtá maiddái Sahávári ja Kahujärvi guovllus, dieđiha fitnodat sin ruovttusiddus.

– Mii iskat Sahávári jus mii sáhttit ásahit ođđa ruvkke dohko. Vuosttazettin mii ohcat ruovdemálmma, muhto maiddái veaikki ja golli. Mii bovret guovllus dálvet go dat čuohcá eatnamiidda unnimusat, dadjá hoavdageologa Johan Högnäs preassadieđáhusa bakte. 

-Almmuhus-