Guovdageainnu Dálon searvvi vuosttáševttohas Isak Mathis O.Hætta lohká ahte oallugat fitnet su luhtte guláskuddame ruvkedoaimmaid birra. – Mun lean dat áidna gii dás meinen ahte ruvki oažžu deike álggahit, lohká Hætta.
Guovdageainnu Dálon searvvi vuosttáševttohas Isak Mathis O.Hætta lohká ahte oallugat fitnet su luhtte guláskuddame ruvkedoaimmaid birra. – Mun lean dat áidna gii dás meinen ahte ruvki oažžu deike álggahit, lohká Hætta.
Guovdageainnu Dálon searvvi vuosttáševttohas Isak Mathis O.Hætta lohká čielgasit ahte son lea dat áidna gii háliidivčče ahte ruvki galggašii álggahuvvot Guovdageidnui.
Ruvkedoaibma lea bivnnuhis ášši
Su luhtte leat finádan olbmot beaivvi mielde, erenoamažit ruvkedoaimmaid birra leat olu jearaldagat.
– Das leat finádan muhtin ráje olbmot. Dat jearahit eanas konkrehta áššiid nu go bargosajiid ja erenoamažiid ruvkedoaimmaid birra.
– Makkár vástádusat dus leat sidjiide?
– Mun lean dat áidna mii das meinen ahte ruvki oažžu deike álggahit. Árvidan ahte eatnasat geat deike bohtet dan birra jearahit leat ovdagihtii juo gullán ahte mun lean mielas ruvkkiide ja dan dihte bohtet deike gullat ruvkedoaimma bargosajiid birra, lohká Hætta.
Isak Mathis O.Hætta muitala ahte su luhtte leat finádan sihke dakkárat geat eai leat vel jienastan ja sii geat juo leat jienastan.
– Jáhkat go ahte leat nagodan oažžut sin jienastit du maŋŋel go das leat fitnan?
– Dan mun gal jáhkan, loahpaha Guovdageainnu Dálon searvvi vuosttáševttohas.
In jobe čiegat ge
Sigve Andre Buljo Kongsvik (26) lei Guovdageainnu Dálon searvvi biilla luhtte.
Son ii háliidan searvat jearahallamii, muhto čájehii bures govas gean son doarju.
– In jobe čiegat ge, dadjalii Sigve Andrè ja dollestii Guovdageainnu Dálon searvvi válgalihppu bajás.
