LKAB ruvkefitnodat Davvi-Ruoŧas dinii diibmá 26 miljárdda.
– Diibmá lei buoremus jahki goassege LKAB ruvkefitnodagas. Mii vuvddiimet 2021:s eanet go goassege leat dahkan ovdal, cealká LKAB ruvkefitnodaga hoavda Jan Moström preassadieđáhusas.
LKAB ruvkefitnodat vuvddii 50 proseantta eanet ja vuoitu fas lassánii 130 proseanttain. Dat dagaha ahte Ruoŧa stáhta dinii LKAB ruvkefitnodagas 12 miljárdda.
– Mii vuovdit buot maid nagodit go buvttadit min ruvkkin. Lea eanet dárbu go nagodit buvttadit ja leat alla ruovdehattit dál, dieđiha LKAB ruvkefitnodat preassadieđáhusas.
