Norgga Ruvdnoprinssa galleda dáid beivviid «Joint Viking» militearahárjehallama, mii lea jođus Finnmárkkus dál.
Norgga Ruvdnoprinssa galleda dáid beivviid «Joint Viking» militearahárjehallama, mii lea jođus Finnmárkkus dál.
Norgga Suodjalus lea dál čađaheame «Joint Viking» nammasaš militearahárjehallama Finnmárkkus.
Hárjehallan lea Álttá, Leavnnja ja Kárášjoga guovllus.
Váldoguovlu hárjehallamis lea E6 lahkosis Leavnnja ja Álttá gaskkas.
Fitná hárjehallamis
Njukčamánu 9. ja 10. beaivvi boahtá Gonagaslaš allatvuohta Ruvdnoprinsa Haakon galledit «Joint Viking» hárjehallama.
Suodjalushoavda admirála Haakon Bruun-Hanssen lea verdden ruvdnoprinsii.
Geahča maid: Dronagielddus Finnmárkkus
Oahpahit olgoriikka soalddáhiid soahtat
Suodjalus čállá neahttasiiddustis ahte leat birrasii 8000 Norgga soalddáha, ja unnit oassi Amerihká U.S. Army ja Stuora-Británnia Royal Marines soalddáhiin leat fárus hárjehallamis.
Oberstløytnánta Terje Bruøygaard, gii lea Telemark bataljovnna hoavda,lohká lea gelddolaš go olgoriikka soalddáhat leat fárus.
– Dat leat soalddáhat main lea gelbbolašvuohta, muhto lea hástalus sidjiide dákkár dálkkádagas ja mii oahpahit sin soahtat buorebut dálvet, muitala Bruøygaard.
Geahča maid: Militearahárjehallan váikkuha Oarje-Finnmárkku johtolahkii
Vuorkágovva: Terje Pedersen, NTB scanpix
– Buorre Norgga suodjaleapmái
Norgga suodjalusministtar Ine Marie Sørlie galledii hárjehallama disdaga.
Son deaivvadii sihke Norgga ja Amerihká soalddáhiiguin geat fárrolaga hárjehalle, ja dat lei hui positiiva su mielas.
– Mii oaččuimet buriid máhcahemiid ahte Norga lea vuogas hárjehallanbáiki, sihke gáttis, čázis ja áimmus. Go lihtolaš veagat maiddái hárjehallet Norgga fárus, šaddat mii buohkat buorebun ovttas. Dat lea buorre Norgga suodjaleapmái ja buorre NATO:i, lohká Søreide Suodjalusa neahttasiidui.
