Boahtte vahkku boahtá H.K.H ruvdnoprinsa Finnmárkui, Áltái.
Fylkkamánni dieđiha preassadieđahusas ahte H.K.H ruvdnoprinsa Haakon boahtá Finnmárkui, Áltái.
Duorastaga son fitná Bossogohpi skuvllas humádit ohppiiguin dan birra go mánát ja nuorat eai beasa vázzit skuvlla soađi ja soahpameahttunvuođa geažil.
H.K.H ruvdnoprinsa Haakon galgá maid deaivvadit TV-akšuvnna eaktodáhtolaččaiguin.
– H.K.H ruvdnoprinsa Haakon lea dán jagáš TV-akšuvnna suodjaleaddji. Dán jagáš akšuvnna sisaboahtu manná UNICEF bargui, go áigot addit oahpu mánáide geat soađi ja soahpameahttunvuođa geažil eai beasa váldit oahpu, čállet sii.
