Ruvdnaprinsa Haakon rahpá Finnmarksløpet ja Borealis Vinterfestival Álttás dán jagi.
Norgga Ruvdnoprinsa Haakon boahtá Áltái njukčamánus dán jagi rahpat Finnmarksløpet ja Borealis Vinterfestival njukčamánu 5. beaivvi. Álttá suohkan ja Finnmarksløpet leat sádden bovdehusa, ja čállet ahte lea stuorra gudni go Gonagasviessu lea vuostáiváldán bovdehusa.
Maŋemuš háve go Finnmarksløpet:s lei Majestehtalaš guossi lei jagi 2010. Dalle lei maid Ruvdnoprinsa Haakon gii finai Álttás, čállá Finnmarksløpet. Dán jagi lea 40. háve go Finnmarksløpet lágiduvvo.
