-Almmuhus-
OĐĐASATRuvdnaprinsa doarju Norgga ráinnasvuođa barggu

Ruvdnaprinsa doarju Norgga ráinnasvuođa barggu

-

-

Gonagaslaš allavuohta Ruvdnaprinsa Haakon rahpá «Hold Norge rent» konferánssa guovvamánu 7. beaivvi Voksenåsenis, Oslos.

Ragn-Sells, Oslovuona olgodaddanráđđi, Infinitum ja SALT Lofoten bovdejit «Hold Norge Rent» konferánsii (sámegillii: Doala Norgga ráinnasin) mas sáhka lea mearaid nuoskkideapmi Davviriikkas.

– Gonagasbearraša áŋgiruššan mearaid nuoskkideami hehttemii ja meara ovddas muđuid lea ávkin midjiide geat rahčat dáinna bargguin juohke áidna beaivvi, ja mii leat hirbmat ilus go ruvdnaprinsa áigu boahtit ja rahpat dán jagáš deháleamos deaivvadanbáikki gos bargat mearranuoskkideami hehttemiin, muitala Hold Norge Rent beaivválaš jođiheaddji Lise Keilty Gulbransen.

 

Bálkkašupmi ja oahppomátki

Gullklypen 2017 bálkkašupmi maid geigejuvvo rahpamis, ja lea Oslo gávpotráđđi Lan Marie Nguyen Berg gii dan juohká.

Disdaga, guovvamánu 6. beaivvi, galget konferánsaoasseváldit finadit Oslofjordmuseas Askeris, Infinitum rusttegiid luhtte Fetsunddas ja SALT arenas Oslos.

Gaskavahkku digaštallagohtet Árktalaš fokusa davviriikkalaš dásis, guolásteapmi ja Davviriikkaid ovttasbargu.

Birasdirektoráhtta lea ruđalaččat dorjon konferánssa.

-Almmuhus-