Oktanuppelogi gielddas galget čohkket ruovttudoalloruskkaid ovtta doapparbáikái.
Vefas IKS, Finnmark Ressursselskap ja Finnmark Miljøtjeneste ovttasbarget doalvut ruovttudoalloruskkaid ovtta vuostáiváldimii. Dat mearkkaša ahte buot ruovttudoalloruskkat čuovvovaš gielddain galget Stengselmoen doappargieđahallamii Álttás: Gáŋgaviikka, Davvesiidda, Porsáŋggu, Davvinjárgga, Muosáid, Hámmerfeasta, Kárášjoga, Guovdageainnu, Láhpi, Ákŋoluovtta ja Álttá.
Sivvan ovttasbargui lea ahte gáibádusat lassánan materiálamáhcaheapmái, mii addá stuorát goluid investeremis sirren- ja meannudančovdosiid. Finnmark Ressursselskapas ii leat sirrenrusttet, ja Finnmark Miljøtjeneste sirrenrusttet galggašii ođasmahttojuvvot. Vefasis lea kapasitehta sirrenrusttegis, nu ahte dát šiehtadus dagaha ahte beassá geavahit olles kapasitehta.
