-Almmuhus-
OĐĐASATRuoŧŧa heaittiha buot korona­njuolggadusaid

Ruoŧŧa heaittiha buot korona­njuolggadusaid

-

-

Guovvamánu 9. beaivvi rájes heaittiha Ruoŧa ráđđehus buot koronanjuolggadusaid riikkas. 

– Dál lea áigi rahpat Ruoŧa riikka fas, dajai Ruoŧa stáhtaministtar Magdalena Andersson preassakonferánssas duorastat iđida. 

Stáhtaministtar deattuha ahte pandemiija ii leat vel nohkan, muhto manname ođđa muddui. 

Sihke internationála dutkan ja dáhta Ruoŧas čájeha ahte omikronvariantain lea láivves buozalmasvuođa ja ii leat liikká stuora noađđin dearvvašvuođabálvalusaide go ovddit koronavariánttat. 

– Leat hui oallugat geat leat koronaboahkuid váldán daid maŋŋemus vahkuid. 80 proseantta buot ruoŧŧelaččain badjel 50 jagi leat maid ožžon goalmmát boahkkodosa ja danne mii sáhttit dal rahpat servvodaga fas, dadjá Andersson. 

Stáhtaministtar deattuha maid ahte lea ain stuora njoammunriska sin gaskkas geat eai leat boahkuhuvvon ja danne bisuha ráđđehus ain sin ávžžuhusaid sidjiide geat eai leat boahkuid váldán. 

-Almmuhus-