-Almmuhus-
OĐĐASATRuoŧŧa ásaha boahkuhan­pássaid 

Ruoŧŧa ásaha boahkuhan­pássaid 

-

-

Ruoŧa ráđđehus dieđihii preassakonferánssas duorastaga ahte sii ásahit boahkuhanpássaid Ruoŧa ássiide.

Digitála pássa galgá álkidahttit mátkkošteami, ja ulbmil lea oažžut pássaid ovdal geasi. 

Pássa galgá duođaštit ahte lea ožžon koronaboahkuheami. 

– Olbmot leat vuordán dan pássa seamma olu go boahkuheami. Dat šaddá digitála duođaštus ahte leat ožžon koronaboahkuid ja sáhttá dainna vaikko mátkkoštit olgoriikii, čilgii Ruoŧa ráđđehusa sosiálaministtar Lena Hallengren.

Maiddái Dánmárku lea bidjan johtui sullasaš barggu ásahan dihte digitála boahkuhanpássa. 

-Almmuhus-