Áigot ráhkadit doaibmaprográmma movt suddjet sámegielaid boahtteáiggis.
Ruoŧa ráđđehus lea bivdán Ruoŧa Sámedikki buktit evttohusaid guhkitáigásaš doaibmaprográmmii sámegielaid suddjema várás. Sámediggi galgá ságastallat ja viežžat dieđuid doaibmaprográmmii iešguđegelágan sámi ásahusain ja organisašuvnnain, ja ovdanbuktit daid ráđđehussii ovdal geassemánu 17. beaivvi 2020, čállá Ruoŧa Sámediggi iežaset neahttasiiddus.
– Ealli giela haga jávohuvvet olbmot ja sin historjá. Dan eat sáhte diktit dáhpáhuvvat, dadjá Ruoŧa kultur- ja demokráhtaministtar Amanda Lind.
