-Almmuhus-
-Almmuhus-
OĐĐASATRuoŧa ráđđe­hus háliida eanet ruvkkiid

Ruoŧa ráđđe­hus háliida eanet ruvkkiid

-

-

Ruoŧa ráđđehus háliida ahte eanet ruvkket álggahuvvojit ja danin álkidit ruvkeásahanproseassa.

Máilbmi dárbbaša eanet minerálaid ja danin dárbbašuvvojit eanet ruvkket cealká Ruoŧa ráđđehus. Ja danin háliidit ge álkidit ruvkedoaimmaid álggaheami nu čállet preassadieđáhusas. Odne dárbbašuvvojit guokte lobi ruvkke álggaheapmái, sihke doaibmalohpi ja biraslohpi.

– Váttis proseassa baldá aktevrraid  ja fitnodagaid ohcat álggahit ruvkkiid Ruŧŧii, ja danin háliidit álkidit proseassa cealká Ruoŧa ealáhusministtar Karl-Petter Thorwaldsson.

Ruoŧa ráđđehus álggaha dál guorahallama mii galgá rievdadit lága, vai saddá álkibut proseassa.

– Láhkarievdadus galgá iskojuvvot 2023 rádjái. Dat evttohus ii boađe váikkuhit birrasii,  dadjá Ruoŧa ealáhusministtar Karl-Petter Thorwaldsson.

-Almmuhus-